«Хром Пиколинат» хром микроэлементі мен триптофан амин қышқылының туындысы болып табылатын пиколин қышқылының қоспасы және хром көзі болып табылады. Хром инсулиндік рецептордың құрылымына кіріп, инсулиннің жасушаға түсуін қамтамасыз етеді. Ол қантты қаннан ағзаның ұлпасына пайдалану немесе жинақтау үшін апаратын инсулинмен бірге жұмыс жасайды. Хром жасушалардың глюкозаны сіңіру қабілетін арттыруға арналған, бұл қандағы қант деңгейін қалыпқа келтіреді. Хром жеткіліксіз болған кезде инсулин рецепторлары белсенділігінен айырылады және бұл көмірсу алмасуының бұзылуына әкеп соғады. Сондықтан хром 2-ші типті диабеттің және диабеттік каратаракта мен нейропатия сияқты асқынулардың профилактикасында және кешенді терапиясында тиімді. Клиникалық зерттеулер көрсеткендей, хромды енгізу дене салмағының индексін (ДСИ) азайтады және зат алмасуды жақсартады. Хром көмірсулар мен майлардың метаболизміне қатысады, тәтті және ұннан жасалған тағамдарды тұтыну мөлшерін азайтады.

Хром глюкозаға деген төзімділікті қолдайды және қалпына келтіреді, бауырдың қандағы қант деңгейін түсіру және гликогеннің шөгуін азайту қабілетін арттырады.

Хром жүрек бұлшықетінің жұмысын реттеуге және қан тамырының жұмысын жақсартуға қатысады, ұйқы безінің бета жасушаларын токсиндерден қорғайды және олардың қалпына келуіне ықпал етеді, мидың когнитивті атқарымдарын белсендіруге көмектеседі, нейрогенезді күшейтеді, осылайша, қан тамыры деменциясының, Альцгеймер ауруының және Паркинсон ауруының даму ықтималын төмендетеді.

«Хром Пиколинат» тағамға биологиялық белсенді қоспасы хромның токсинді емес және органикалық нысанының көзі болып табылады. Хром көмірсу, май және ақуыз алмасуына, сондай-ақ ағзаның маңызды атқарымдарына қатысатын эссенциалды (алмастырылмайтын) микроэлемент болып табылады.

Қабылдаған кезде:

1.    Тітіркенгіштік айтарлықтай азаяды.

2.    Адам төзімдірек болады.

3.    Жүрек-қан тамыры жүйесінің жұмысы қалыпқа келеді.

4.    Ұйқы жақсарады.

5.    Егер бұрын адамның сіңірлері тартылған болса, онда бұл симптом біртіндеп кетеді.

6.    Катаракта дамуын біртіндеп тоқтайды.

7.    Гликозаланған ақуыздарды шығару үдерісі біртіндеп тоқтайды. Олар қартаю үдерістері үшін жауап береді.

8.    Шамадан тыс тамақтану азаяды.

«Хром Пиколинат» ББҚ дене салмағын түсіру жөніндегі бағдарламаларда қолданудан мынадай нәтиже күтуге болады:

·       дене салмағының индексі (ДСИ) азаяды және зат алмасу үдерісі жақсарады;

·       тәттіліктер мен қарапайым көмірсуларға деген тартымдылықты азайтады;

·       төзімділік жоғарылайды, бүл дене жүктемелерін арттыруға мүмкіндік береді;

·       ақуыз алмасуы белсендіріледі және жүрек бұлшықеті мен қаңқа бұлшықеттері нығаяды;

·       ағза токсиндер мен шлактардан тазартылады;

·       қалқанша безінің жұмысы жақсарады;

·       коллагеннің түзілуі белсендіріледі, соның арқысанда салмақ түседі, тері серпімді болады.

Хром тапшылығының себептері:

·       тағаммен бірге жеткіліксіз мөлшерде түсуі;

·       зат алмасуды реттеудің бұзылуы;

·       шығынының жоғарылауы (мысалы, жүктілік кезінде);

·       тағамда көмірсулар көп мөлшерде болған жағдайда (ақ нанды, тәттіліктерді, макарон өнімдерін шамадан тыс тұтыну) ағзадан хромның күшейтіліп шығуы;

·       жоғары жүктемелер кезінде, сондай-ақ жіті және созылмалы күйзеліс кезінде хромның несеппен бірге көп шығарылуы.

Хром тапшылығының негізгі белгілері: шаршаңқылық, мазасыздық, бас ауруы; аяқ-қолдардың невралгиясы мен сезімталдығының төмендеуі; бұлшықет координациясының бұзылуы, аяқ-қолдардың дірілдеуі; қанда холестерин мен триглицеридтер деңгейінін жоғарылауы; атеросклероздың дамуы; дене салмағының өзгеруі (семіру, жүдеу); әсіресе орта жастағы және жасы ұлғайған адамдардың глюкозаға төзімділіктің төмендеуі (гипергликемия, гипогликемия); қант диабетін дамыту тәуекелін арттыру; жүректің ишемиялық ауруын дамыту тәуекелінің ұлғаюы; ерлердің репродуктивті атқарымының бұзылуы.

Құрамы: піштен бойдана сіріндісі, желатин (капсула), селенметионин, микрокристаллды целлюлоза (тасығыш), кальций стеараты (нығыздалуға қарсы агент), аморфтық кремний диоксиді (нығыздалуға қарсы агент), хром пиколинаты. «Хром Пиколинат» ББҚ-ң құрамында токсинді емес және жеңіл сіңетін органикалық нысанда – пиколинат түріндегі хромның оңтайлы мөлшерлемесі (200 мкг) бар.

Селенометионин – құрамында табиғи селен бар амин қышқылы, ол селеннің маңызды тағамдық көзі болып табылады. Ол бразилиялық жаңғақтың, бидай дәнділердің, соя бұршақтарының және басқа бұршақтардың құрамында бар. Селен маңызды микроэлемент болып табылады және денсаулықтың оңтайлы күйіне қолдау көрсетуде шешуші рөл атқарады. Селенометионин селеннің органикалық нысаны болып табылады, токсинді емес және натрий селенитіне (бейорганикалық нысан) қарағанда адам ағзасы жеңіл сіңіреді. Клиникалық сынаулар барысында селенометионин селенитке қарағанда 19%-ға сіңетіні анықталды.

Селен – бірқатар гормондар мен ферменттердің құрамына кіретін өмірлік маңызды микроэлемент, барлық мүшелермен және жүйелермен байланысты. Қытайлық ғалымдар жүргізген зерттеулер жүректің күрделі ауруын болдырмайтын қабілетін – кардиомиопатияны (жүрек бұлшықетінің әлсіреуі) анықтады. Антиоксидант ретінде селен Е және С дәрумендерімен әрекеттесе отырып, қатерлі ісік ауруларынан, жас ұлғаюына байланысты бос радикалдардың әсерінен туындаған аурулардан қорғайды. Ағзада селен зат алмасу үдерістерін ынталандырады. Селен глютатион пероксидазасы ферментінің негізгі компоненті болып табылады, ол токсиндер ыдыраған кезде түзілетін зиянды заттардан ағзаны қорғайды. Қан сарысуының селенінің деңгейлері сарысуда селеннің деңгейі салыстырмалы түрде төмен (<97,5 мкг / л) және сарысудағы селеннің деңгейі жоғары (> 132,5 мкг / л) популяцияларда 2-ші типті қант диабетінің ықтималымен оң байланысты. Селен иммундық жүйенің жұмысына қолдау көрсетеді және иммундық қорғаныстың маңызды компоненті болып табылады. Селеннің төмен мөлшері көңіл-күйдің түсуімен, мазасыздықпен үйлеседі, бұлшықет әлсіздігіне әкеп соғады. Селеннің тапшылығы жүрек-қан тамыры ауруларына, бедеулікке және миокард пен қаңқа бұлшықеттерінің жиырылу қызметінің нашарлауына әкеп соғады. Селеннің тапшылығы бұлшықет әлсіздігі сияқты аурулардың, сондай-ақ Кешан ауруы (іркілген кардиомиопатия күйі, жүрек жетімсіздігі, кардиомегалия және ЭКГ өзгеруі) және Кашин-Бек ауруы (сүйектердің, сіңірлер мен буындардың деформациялануымен байланысты күй-жай) сияқты күрделі аурулардың себебі болуы мүмкін. Селеннің төмен мөлшері көңіл-күйдің нашарлауымен, тынышсызданумен және шатасқан күймен үйлеседі.

«Хром Пиколинат» ББҚ құрамында жеңіл сіңетін, токсинді емес нысанда, селенаметионин түрінде селеннің оңтайлы мөлшері (70 мкг) болады.

Піштен бойдана сіріндісін піштен бойдана немесе грек бойдана өсімдігінен немесе шамбаладан (Trigonellafoenumgraecum) алады, ол бір жылғы өсімдік, Бұршақ тұқымдастар тұқымының Бойдана түрі (бұршақ дәнділер ішкі тобы).

Піштен бойдана дәндерінде биологиялық белсенді заттардың кең спектрі бар: алкалоид тригонеллин (0,3%), никотин қышқылы (РР дәрумені) – 3,5-18 мг%, фолий қышқылы, рутин, стероидтық сапониндер мен фитостериндер (диосгенин, ямогенин, гитогенин, тигогенин және диосцин мен ямосцин гликозидтері), флавоноидтар, шырышты (30%) және ащы заттар, эфир майлары (0,3%), майлы тоңмай (6%), ақуыздар, таниндер, дәрумендер (С, В1, В2), фосфор, темір, калий, магний, кальций.

Бойдана дәндерінде көп мөлшерде жасұнық, фосфолипидтер, гликолипидтер, олеин қышқылы, линолен қышқылы, линоль қышқылы, холин және басқа көптеген атқарымдық элементтер бар. Бойдана дәндерінде бос амин қышқылдардың, әсіресе инсулиннің белсенділігін қолдайтын 4-гидроксиизолейцин мен гистидиннің үлесі (20-30%) көп.

Бойдана ас қорытуға ықпал етеді, тәбетті ашады, зат алмасуды жақсартады, оны дене салмағын түсіру кезінде қолданады, оның бүркеуіш қасиеті бар. Фитотерапевттер мен шөппен емдеушілер бойдананың жүректің жұмысына оң әсер ететін атап өтті: бойдана қан қысымын түсіреді, қан түзу атқарымын жақсартады. Бойдана қандағы холестерин деңгейін төмендетеді, астениямен (қандай да бір органикалық себептерсіз шаршау) күресуге көмектеседі, андрогенге қарсы гормоналдық белсенділігі бар. Бойдананың құрамындағы заттар әйелдердің денсаулығына оң әсер етеді.

Көптеген эксперименталдық және клиникалық зерттеулер көрсеткендей, бойдана дәндерінің сірінділерінің диабетке қарсы, антиоксиданттық, қатерлі ісікке қарсы және канцеропротекторлық, гипохолестеринемиялық, қабынуға қарсы және бактерияларға қарсы белсенділігі бар.

«Хром Пиколинат» ББҚ құрамында биологиялық белсенді заттар бойынша стандарттандырылған бойдана дәндерінің сіріндісі бар, ол осы заттардың жоғары тиімділігі мен қауіпсіздігін қамтамасыз етеді.

Қолдану саласы: тағамға биологиялық белсенді қоспа – хром мен селеннің қосымша көзі ретінде қолданылады.

Қарсы көрсетімдері: компоненттерге дербес төзімсіздік, жүктілік, бала емізу.

Жарамдылық мерзімі: дайындалған күннен бастап 3 жыл.

ББҚ дәрілік құрал болып табылмайды. Қолданар алдында маманмен кеңескен жөн.